Spurt & svarað

Er tónlistin þín tilbúin fyrir streymisveitur?

Það sem við þurfum til að koma efninu þínu á veiturnar er: Hljóðskrá: Tónlistin þarf að vera send inn sem .wav skrá, hlekkur þar sem hægt er að hlaða tónlistinni niður dugar. (td. Wetransfer, dropbox eða google drive). Plötuumslag: Plötuumslagið þarf að vera í hárri upplausn (1600x1600 px. amk.) og myndin þarf að vera ferningslaga. Höfundar og flytjendur: Upplýsingar um höfunda og flytjendur laga þurfa að fylgja svo greiðslur til höfunda og flytjenda skili sér til þín. (sjá STEF). ISCR Kóði: ISRC kóða fyrir tónlistina þarf að búa til á (hægt að útbúa á hljodrit.is). Útgáfunúmer: er svo einkvæmt númer útgefanda til að auðkenna útgáfuna. Hjá sjálfstæðum útgefanda er gott að nota til dæmis skammstöfun útgáfunnar og svo númer útgáfu. Útgáfunúmer gæti til dæmis litið svona út :: DREIF001

Hvað er ISRC kóði?

ISRC kóði er einskonar kennitala hljóðrits og er kóðinn einkvæmur fyrir hvert hljóðrit. ISRC kóðinn er notaður til að halda utanum spilun hvers hljóðrits fyrir sig, td. í útvarpi, sjónvarpi og á streymisveitum og einnig þegar kemur að greiðslum til rétthafa hljóðritsins. ISRC kóða er hægt að útbúa á hljodrit.is Notandi sækir um aðgang að síðunni og skráir upplýsingar um hljóðritið, hverjir eru höfundar, flytjendur, lengd hljóðrits osfr. Að því loknu fær hljóðritið úthlutað ISRC kóða sem birtist notandanum á hljodrit.is.

Hvað kostar þjónustan?

Ekki er innheimt gjald fyrir skráningu og hýsingu á tónlist, ólíkt öllum öðrum dreifingaraðilum. Dreifir tekur svo 15% af tekjum á streymi í þóknun til að standa straum af rekstri, umsýslu og þróun.

Ég er með tónlistina mína í dreifingu hjá öðrum aðila en vill færa mig til Dreifis.

Það er einfalt mál. Fyrsta skrefið væri að fylla út skjalið hérna neðst á síðunni og senda til okkar. Við þurfum ISRC kóðana sem skráðir voru hjá hinum dreifingaraðilanum, tónlistina á .wav, plötuumslagið og upplýsingar um höfunda og flytjendur. Þegar við höfum skráð efnið má taka efnið niður hjá fyrri dreifingaraðila. Fyrri spilanir á lögum haldast inni við yfirfærsluna svo lög missa ekki spilanir við yfirfærslu.

Hvað tekur ferlið langan tíma?

Þegar við höfum fengið nauðsynlegar upplýsingar sendar til okkar má gera ráð fyrir þremur virkum dögum fyrir efnið að birtast á veitunum. Við mælum með því að nýtt efni sé sent til okkar í það minnsta 7-10 dögum fyrir fyrirhugaða útgáfu og helst mun fyrr.

Greiðslufyrirkomulag

Á þriggja mánaða fresti færð þú sent í tölvupósti yfirlit yfir streymi á efninu þínu, auk uppgjörs og þá mátt þú senda okkur reikning fyrir upphæðinni sem fram kemur á yfirliti.

Hvernig kemst ég á playlista hjá Spotify?

Lagalistar fyrir nýja tónlist á Spotify eru uppfærðir á föstudögum og er meira en vikugamalt efni ekki gjaldgengt á þá lagalista. Ritstjórn þarf að berast efni á lagalista amk. 5 dögum áður enn lagalistar eru uppfærðir. Það er ágætt að hafa þetta í huga þegar útgáfudagur er valinn.


Notaðu Spotify for Artist til að sækja um playlista fyrir óútgefið efni.

  1. Skráðu þig inn á Spotify for Artists.
  2. Finndu óútgefið efni til að sækja um playlista fyrir:
    Efst á heimasíðunni finnur þú “Upcoming releases”, þar getur þú valið “Pitch song”..
  3. Veldu það lag sem þú vilt sækja um playlista fyrir og fylltu út allar nauðsynlegu upplýsingarnar sem beðið er um. Því meiri upplýsingar sem Spotify fær því betra.

Mikilvægar upplýsingar til að hafa í huga:

  • Hafðu góðan fyrirvara á umsókninni svo að ritstjórar Spotify hafi nægan tíma til að hlusta á efnið. Við mælum með a.m.k. 10-14 dögum.
  • Ef að þú sérð að staðan á útgáfunni sé “Available soon” þá er ferlið enn í gangi. Það getur tekið nokkra daga til að það sé í boði að sækja um lista fyrir tónlistina.
  • Ekki er hægt að sækja um fyrir safnplötur.
  • Þú getur ekki sótt um playlista fyrir lög þar sem þú ert skráður sem featured artist.
  • Þú getur breytt umsókninni eftir að þú sendir hana inn en það er ekki pottþétt að ritstjórar sjái breytingarnar.

Til að sækja um aðgang að Spotify for Artist þá ferðu inn á www.artist.spotify.com og ýtir á “Get access” og fylgir skrefunum þar.

Hvaða veitur dreifið þið á?

Við bjóðum uppá stafræna dreifingu á tónlist á allar helstu streymisveitur, Spotify, iTunes/Apple, Tidal, og TikTok þar á meðal. Auk þess fer efnið á um 60 aðrar virkar streymisveitur. Við leggjum megin áherslu á Spotify þar sem bróðurpartur streymisumferðar á Íslandi er um Spotify.